si Umar lagi asik-asiknye nonton bola depan tipi,
tau-tau bininye nyelonong:
"Bang, lampu teras putus noh, tolong gantiin ame nyang baru dong!"
"Masang lampu ?!!!, lu kire gue PLN apah...!!!" saut Umar enteng.
"Ya udeh kalo kaga mau, benerin aje keran kamar mandi,
noh aernya ampe luber-luber" sahut bininye.
"Benerin keran ?!!!, lu kire gue PAM kali...!!!" Umar nyolot.
"Ya udeh, kalo lu pegi beli rokok ke warung, gue nitip beli minyak
ye" sahut bininya lagi.
"Lu kagak bisa liat orang lagi enak nonton kali ye,..
lu kire gue PERTAMINEEE. !!!" Umar sewot berat.
Lantaran berasa digangguin terus, Umar ngeloyor pindah nonton
ke rumah tetangge, balik- balik jem 2 pagi.
Tapinye Umar kaget lantaran terasnye udah terang.
Terus Umar ke kamar mandi, aer udah kaga luber-luber;
Ke dapur.. Jerigen minyak juga udah pul tenk.
Paginye Umar nanya ame bininye: "Lu minta tulung ame siape...?"
"Gini bang, abis abang minggat, gue nangis di teras.
Terus ade cowok ganteng lewat nanyain gue.
Gue cerite ape adenye,juga soal abang nyang sewot.
Terus die nawarin buat ngebantuin, tapi ade syaratnye."
"Ape syaratnye... ?" Umar pingin tau.
"Syaratnye bisa pilih, gue bikinin die roti atawa tidur ame die"
kata bininya lagi.
"Terus nyang pasti elu bikinin die roti pan ...?" Umar ngedesek.
"Bikinin roti ?!!! …. Lu pikir gue HOLLAND BAKERY apee...?!!!"
teriak bininya kenceng!
Umar: gubragghhhh! !
0 komentar:
Posting Komentar